فى الاول اعذرونى انى باتأخر فى تنزيل الموضوعات
خلينا ندخل فى الموضوع علطول
اتفقنا اننا فى حياتنا بنمر بمواقف
وان المواقف دى بتعلمنا
وتقريبا مفيش حد كان معترض على الكلام .. مش عارف ليه ؟ ؟
الظاهر كده انه صح .. ماعلينا
المواقف اللى بتقابلنا فى حياتنا دى بيبقى اطرافها شخصيات
بنى ادمين يعنى بنتعامل معاهم
وكانو يقولولنا واحنا صغيرين الصديق عند الشدة
ولما كبرنا شوية كده قالولنا ان الناس بتبان على اصلها فى الغربة
كل ده على فكره كلام صح جدا
ببساطه كده لو سألتك عن صديقك هاتبقى عارف شخصيته ولا لا ؟ ؟
طيب ولو سألتك عن اخوك .. ها ؟؟؟
اكيد هاتبقى عارف شخصيته كويس جدا
والعكس صحيح يعنى لو سألتك عن واحد ماشى فى الشارع هاتقولى
ماعاملتوش ماعرفش عنه حاجه
وده طبعا لان اخوك وصاحبك عايشين معاك .. ومريتو بمواقف كتير مع بعض
المشكلة بئه مش فى كل ده
المشكلة .. انتا لما تمر بموقف معين مع واحد هاتقدر تحدد شخصيته ولا لا
وياترى موقف واحد كفاية علشان تحدد الشخصية اللى قدامك
ولو فعلا قلت اه ان موقف واحد كفاية فتبقى حاجه من اتنين
يا اما كلامك غلط وبتكدب .. ودى مستبعده
يا اما فعلا بتقدر تحدد وفى الحاله دى مش هاتتعب اوى فى حياتك
وطبعا السؤال دلوقتى
اذا كنت بامر بمواقف كتيرة مع شخص معين وبرده مفيش فايده ..
مش باقدر احدد الشخصية ؟؟؟؟ ايه الحل ؟؟
فى الاول انا باعتبرها موهبة وفى ناس بتنميها وناس لا
حالها حال كل المواهب
لكن التعليم والتدريب بيجيب نتيجة برده
انا اللى اعرفه فى الموضوع ده انه كله عباره عن عملية رياضية معقده
يعنى قدامك شوية معطيات ومجهول وبتبدأ توصل للمجهول من خلال المعطيات دى
طيب زى ايه المعطيات
نظرات العنين .. طريقة الكلام ... شكل الضحكة .. ردة فعل معينه
طيب زى ايه المجهول
شخصيته .. حالته النفسية .. حالته العاطفية .. طريقة تفكيره .. وهكذا
وعلشان تقدر تعيش فى الدنيا وماتتعبش اوى لازم تكون لماح جدا وسريع البديهه جدا
ولحد ماتوصل لدرجة انك تحكم على واحد بمجرد النظر فى عنيه
يمكن يطلع حكمك غلط ويمكن يطلع حكمك صح
الاهم فى الموضوع .. ان حكمك ده يبقى لنفسك وماتنقلوش لحد تانى ابدا
ولو طلع حكمك على الشخص ده صح
صدقنى .. لازم تكافىء نفسك
وصدقنى كمان مره لما تكافىء نفسك هاتتحسن كتير اوى
وصدقنى بئه كمان مره لو اتحسنت كتير اوى هاتفهم الناس من اول نظره
وساعتها هاترتاح كتيييييييييير.. فى الدنيا
وهاتفتكر اللى كتبلك الموضوع ده ......... ** عمار فتحى **
هناك 24 تعليقًا:
السلام عليكم
طبعا كده من حقي اكافئ نفسي .. التعليق الاول
شوف يا فندم .. انا اصلا كنت قرأت التدوينة اللي فاتت و كنت ناوية اقول تعليق ايجابي الحقيقة بس خير
طبعا انا موافقة حضرتك جدا في الكلام اللي ذكرته
و اللي عجبني اكتر الحقيقة ان حضرتك اكدت على نقطة انها بالتدريب
حقيقي جميل يا فندم ما شاء الله
عماااااااااااااار
وحشتنى يا مااااااان
اما عن الموضوع اللى انت باعت اوف لاين و بتطل مننا راينا
انا يا عمونا هسمع كلامك اللى فى البوست انت كاتب اتعلم ان حكمك يبقى لنفسك متقولش لحد
انا بقى مش قايل حاجه
ماشي أعم عمار احن معاك للاخر
انت عارف ان احنا نفسنا مافيش أطول منه الحمدلله
فاحنا معاك للاخر
وبطل بقي مش كل يوم مدونة هو انت عايز تعرفنا يعني انك بقيت خبرة
السلام عليك اخى عمار
اسمحى ان اقول لحضرتك للمرة التانيه
انى سعيده جدا بمدونتك زووووم ع الدنيا
انا قرات البوست
وانا بفضل الله ممكن من خلال موقفين مش اكتر بقدر اعرف شخصيه اللى قدامى
وفى حاجه انا عايزة اقولك عليها
هو طبعا جميل ان الواحد يعرف الدنيا على حقيقتها
بس ساعات حقيقتها دة بتكون مره ومؤلمه
وساعاتها ممكن نقول يا ريتنا ما فهمناها
انا على فكرة اقدر اعرف احلل شخصيات الرجال قبل النساء مع ان المفروض العكس
سبحان الله
شكرا اخى على مجهودك
وانا فى انتظار بوستك القادم
ويا ريت مش تتاخر علينا
والسلام عليكم ورحمة الله
موضوع جامد جدا ياعم عمار لكن القضيه ناس كتير بتفكر فيها ومش بتعرف تحققها وناس كتير مش بتاخد بالها منها لكن لما بتاخد بالها او حد ينبها للفكره دي بيكون افضل الناس في تطبيقها ومش عاوز اطول لكن اي رأيك بقي ياعم عمار لما اوصل للدرجه اللي انتا قولت عليها دي مش هافتكرك خالص هههههههه
سلااااام
عمورة
تسمحلي احرجك واكسفك قدام زوارك واقولك حكمك عليا ايه ................ مممممممممممممممممممممممممممممممممممم
هترد عليا وتقولي هخليه لنفسي ... صح .. طيب انا موش هخليه لنفسي بقي اللي هو الحكم عليك وهقولهالك في وشك انت انســــــــــــــــان
زى العسل والله
مدونتك جميلة وأجمل ما فيها بعدك عن الله والخفي اللي كنت ماسك فيهم
ههههههههههههههههههههههههههههههههههه
فى الاول احييك بشدة على الموضوع
مش دايما اول مقابلة مع اى شخص بتدينا الانطباع الصح ولا من موقف واحد هنعرف هو بيفكر ازاى
تحياتى
نور جديد
اكيد طبعا حضرتك لازم تكافئى نفسك
بس على المدونة الجميلة بتاعتك
ومتشكر جدا على التعليق الجميل ده
واكيد كل حاجه بالتدريب
نورتينا .. طبعا مش نور
ههههههه
مارو
ياسلام يامارو ياعظيم
مش مهم ياسيد الناس رأيك
المهم انك نورت مدونتى
كفاية عليا الزياره بس
حبيبى يامارو
قلم رصاص
ياااااااااااااااااااااااااااااه ياسلكاوى
ده انا افتكرتك جرالك حاجه يابنى
وبعدين ياباشا ولا خبره ولا حاجه
ده بعض ماعندكم يامعلمى
هههههههههه
ريمان
انا باكون سعيد جدا بزيارتك والله
بالنسبة بئه لتحديد الشخصية
دى موهبة من ربنا فحافظى عليها ونميها
لانها بتنفع كتير
انتى قولتى فى التعليق
.
.
هو طبعا جميل ان الواحد يعرف الدنيا على حقيقتها
بس ساعات حقيقتها دة بتكون مره ومؤلمه
.
.
انا هنا ماقصدش ان احنا نكتشف الحقيقة .. انا اقصد اننا نصنع الحقيقة دى . وعلشان ماتبقاش مرة . لازم انا اللى اصنعها لنفسى . ولو فعلا حصل وان الحياة بقى فيها حاجات مؤلمة كتير فانا الانسان الوحيد اللى اقدر اغير الحاجات دى .. الموضوع بسيط بس ده لو احنا اخدناه ببساطه
وفى نظرى انا ابسط حاجه فى الدنيا المشاكل .. عارفه ليه ؟ .. لانها دايما لها حل
نورتينا ياريمان
وللمرة التانية انا باكون سعيد جدا بالزيارة
ابن الازهر
تمام ياهيما
بس مين قالك انك مش هاتفتكرنى خالص
انتا اساسا تقدر تنسانى يابنى
ههههههههههه
حماده زيدان
طيب انتا كده بتكسفنى وتخلى وشى يحمر قدام زوارى
ربنا يخليك ياجميل والله انتا انسان .. ولا اقولك خليها لنفسى
ههههههههههههههههه
ثم تعالى هنا بئه
ايه يابنى كلمة اجمل مافيها بعدك عن الله
فى حاجه اسمها كده ؟؟
ربنا يعافينا كلنا ويقربنا منه اكتر واكتر يارب
والخفى اللى بتتكلم عليهم دول حياتى يابنى الناس اللى ربتنى والناس اللى طلعتنى راجل
وعلى فكرة مازلت ماسك فيهم
ربنا يثبتنا امين يارب
اشطه ياحماده
ههههههههههههههههه
semsema
اولا انا سعيد جدا جدا
لان حضرتك اول حد يعارضنى فى الكلام اللى كتبته
انتى قولتى
.
مش دايما اول مقابلة مع اى شخص بتدينا الانطباع الصح ولا من موقف واحد هنعرف هو بيفكر ازاى
.
ايوه ده صح فعلا
بس فى الحياة العادية وللناس اللى مش فاهمه الدنيا ولا بتحاول تفهمها
ووالله العظيم ما اقصد حضرتك طبعا
انا اقصد يعنى بصفة عامه
لكن اللى بحاول يرتاح ومايتعبش
النظرة الاولى بتفهمه كل حاجه عن الشخص
بس النظرة الاولى
نورتينا يا افندم
عمار
فينك ياراجل من زمان
نورت
اولا احنا بشر ما احناش كاملين الكمال لله وحده
فحكمك علي شخصية اي حد مش لازم تكون بمنطق ده حلو وده وحش
لان مفيش حد حلو 100 في المية ولا حد وحش 100 في المية
لكن الانطباع مش من اول مرة ولا من اول موقف ولاولا
المهم يكون الحلو فيه زيادة شوية
ولازم نتقبل كل شخصية بمزاياها وبعيوبها ونكيف نفسنا معاها
ومانقارنهاش باي حد
تحياتي لتفكيرك
ولنظرة عنيك اللي بتتاخذها حكم علي كثير من الشخصيات
شكلك لماح
تحياتي
السلام عليكم
ازيك ياعمار ايه اخبارك
هو فعلا الواحد بيعرف اللى قدامه من خلال مواقف بيعشيها او بيشوفها قدامه ورد فعله على المواقف ديه
بس معتقدتش ان ممكن حد يعرف شخصية اللى قدامه من اول تعامل معاه لان ده مش بيكون تعامل لمجرد موقف حصل وعدى
لا لازم نتعامل فى اكتر من موقف لان فيه حاجات كتير لازم نحكم بيها على اللى قدامنا عششان نعرف شخصية اللى قدامنا
كلامك مظبوط لازم نعرف شخصية اللى قدامنا عشان نتعامل معاه
تحياتى ياعمار
السلام عليكم
ايه يا باشا الكلام الجامد ده
ده انت طلعت دكتور من ورانا
بوست شديد
سلالالالالالالالالالالالالالالالالالالالالالالالالام
بنت الاسلام
نورتى المدونة
واتمنى زيارتك الدايمة
لانها بتسعدنى والله وبتساعدنى كمان
تحياتى
عاشقة الوطن
الله يسلمك ويبارك فيكى
عندك حق فى كلامك
بس اللى ناس كتير ماقدرتش تفهمه من كلامى
انى باتكلم على حاجه بسيطة بتبقى جوه الواحد
ومابينقلهاش لحد تانى
وكمان قلت ان ممكن يطلع الحكم غلط
وده طبيعى جدا
نورتينى ياعاشقة
تحياتى
حدوتة
دكتور ايه ياباشا بس
ده انتا اللى دكتور
ههههههههههه
سلالالالالالالالام
قصدى تحياتى
هههههههههههه
ماشاء الله موضوع مميز
ياباشا
ربنا يزيديك يااااااااااااااارب
قد نعرف اشخاص طوال العمر لكننا في النهاية كنا نري فيهم فقط مانحب فانشغلنا عن عيوبهم ولم نحترس منها فاصابت اول ماصابت قلوبنا نحن اقرب الناس اليهم
فلذلك لابد من نظرة امينة لكل الناس واكتشافهم بالكلية لابالاجزاء التي نحبها فقط
اخي الكريم عمار مدونتك جميلة
اتمني التواصل الدائم بيننا
ابراهيم
لحن الغروب
عمر احمد
شكرا لمرورك ياجميل
ربنا يبارك فيك
ابراهيم
اهلا وسهلا بيك
زيارتك شرف كبير ليا
واكيد نتواصل ان شاء الله
ربنا يفيدنا ببعض ان شاء الله
تحياتى
إرسال تعليق